Saboq.ORG | O'zbegim Bahti (Эркак Ва АЁл Муносабати)

Jinsiy munosabatlar haqidagi 10 ta sir

Sayyod_Bek — Wed, 06 Jun 2018 11:34:36 GMT

Jinsiy aloqa er-xotin munosabatlarida eng asosiy hisoblanmasa ham, u juda muhimdir. Oiladagi totuvlik ham jinsiy munosabatlarda muammo bo'lmasligiga bog'liq.
Afsus, yillar o'tib, 10-15 yil birga yashagan er-xotinda jinsiy munosabatlar o'z boyligi, ehtirosi, kuchi va romantikasini yo'qotib boradi. Qanday qilib bunga yo'l qo'ymaslik mumkin?

Jinsiy aloqa asosiy bo'lmasa ham, u bo'lmasligi yaxshi emas.

Er-xotin har kuni yoki har ikki kunda jinsiy aloqa qilishi shart emas. Umuman aloqalar haftada necha marta bo'lishi emas, ularning er-xotin uchun yetarli bo'lishi muhim. Jismoniy yaqinlik natijasida ruhiy yaqinlik ham kuchayadi. Agar er-xotin borgan sari kamroq jismoniy aloqada bo'lsa, ular orasida ruhiy uzoqlashuv paydo bo'la boshlaydi, bu esa o'z navbatida yana jismoniy sovuqlikka olib keladi.

Bir-biringizni nafaqat tunda, balki kun mobaynida erkalash haqida unutmang.

Kopincha juftliklar jismoniy yaqinlashuvni faqat jinsiy aloqadan oldin amalga oshiradilar. Agar yaqin daqiqalarda jinsiy munosabatga imkoniyat bo'lmasa, demak bir-birini tegish, silash, erkalash ham mumkin emasdek tuyuladi. Psixolgolarning fikricha, kun mobaynida natijasi jinsiy aloqa bo'lmasa ham, er-xotin bir-birini erkalab turishi ular orasidagi jismoniy yaqinlikni kuchayishiga olib kelar ekan.

Biron xafagarchilikdan so'ng yarashish jinsiy aloqa bilan yakunlansin.

Qattiq kelishmovchilik natijasida er-xotin xafa bo'lib qolgani bilan, bir-biriga bo'lgan muhabbat so'nmagan bo'ladi. Shunda jinsiy aloqa shu muhabbat izhori sifatida ayni muddao bo'lishi mumkin.

Jinsiy aloqa bozordagi buyum emas.

Ba'zi ayollar biron maqsad ko'zlab jinsiy aloqani bozorga soladilar. "Agar shunday bo'lsa", bo'ladi, aks holda "yo'q", deb. Erkak kishi bunday oldi-sotdiga ko'pi bilan 1 yil chidaydi, keyin aksi bo'lib qo'lishi mumkin.

Kino yoki romantik kitoblardek munosabatlarga ishonmang.

Go'zal ichki kiyim, ajoyib tushlik va shag'amlar bilan jinsiy aloqada bo'lish juda romantik va yoqimli tuyuladi. Bunday kecha unutilmas bo'lishi aniq. Lekin sizda 3 farzand, ish, uy yumushlari va yuvilmagan idishlar turganda haligi kechani uyushtirish juda qiyin bo'lsa kerak. Shunday damlarda tushkunlikka tushmang, romantik bo'lmasa ham, lekin bir-birini sevib tushunadigan er-xotin orasidagi jinsiy aloqa ham juda yoqimli bo'ladi.

Yuqorida ta'kidlangan romantika ba'zida bo'lib turadi.

Har kuni emas, har hafta ham emas, ba'zida munosabatlarga biroz olov yoqish uchun romantik muhit yoki biron noana'naviy ko'rinishni tajriba qilib ko'rish foydadan xoli bo'lmaydi.

Oyin kattalarga ham kerak.

Er-xotin yillar o'tib yoshligidagi o'ynashishlar, hazillashishlarni unutib yuboradilar. Yosh o'tgani bilan dil yosh bo'lsa, munosabatlarni qizdirib turish osonroq bo'ladi.

Bir-biringiz ko'zingizga qarang.

Ba'zida bo'lsa, ham lazzatlanish payti bir-biringiz ko'zingizga qarang. Dao faylasuflarining fikricha, o'sha payt inson ko'zlarida butun muhabbat va ehtirosni ko'rsa bo'lar ekan. Keyin ancha payt sizga qaragan o'sha ko'zlarni unuta olmay yurasiz.

Idish-tovoq kutib turadi.

Kundalik ish-yumushlar haqidagi o'ylar bizni hatto jinsiy aloqa payti ham tark eta olmasligi mumkin. Bunday o'y va fikrlar bizga to'liq ruhan va jismonan lazzatlanishimizga yo'l qo'ymaydi. Unuting. Baribir hozir hech narsa qila olmaysiz. Lazzatlaning, ertaga esa yangi kun boshlanadi.

Tez jinsiy aloqa muammolar yechimi.

Charchov va yumushlar, kundalik stress, vaqtning yetishmasligi er-xotin orasidagi jinsiy munosabatlarni yo'qqa chiqarishi to'g'ri emas. Shoshilinch payti tez jinsiy aloqa erkakka ham ayolga ham yoqimli bo'ladi. Yig'ilib qolgan stressni yengadi. Ayollarga aloqadan oldin uzoq erkalash talab etiladi deyilgan, lekin charchagan payti, umuman hech narsa bo'lmaganidan ko'ra muhabbat va ehtirosga boy qisqagina jinsiy aloqa hech bir ayolni befarq qoldira olmaydi.

Erkakning qoniqishi!

Sayyod_Bek — Wed, 06 Jun 2018 11:15:07 GMT

Uning mohiyati nimada?
Tabiatan jinsiy aloqa erkak uchun jismoniy ehtiyojdir. Erkakning gormonal va jismoniy holatiga bog'liq ravishda bu ehtiyoj kuchli, normal va sust bo'lishi mumkin. Agar hayvonot olamida jinsiy aloqa nasl qoldirish uchun ro'y bersa, insoniyatda jismoniy lazzatlanish va ruhiy qoniqish uchun ham amalga oshiriladi.
Erkak uchun har bir aloqa orgazm bilan yakunlanadi. Ayoldan farqli o'laroq erkakda u aloqaning oxiridagina namoyon bo'ladi. Ayolda esa butun jarayon hissiyotga boy bo'lishi mumkin. Aynan mana shu farq erkakni aloqadan ruhiy qoniqishi shart ekanligini ko'rsatadi.

Bu nima degani?
Ayol har safar ham aloqadan lazzatlana olmaydi. Buning uchun uning va erining bunga qo'shgan hissasi bo'lishi kerak.
Erkak orgazmi uchun esa aloqani yakunlashdan boshqa hech qanday qo'shimcha harakat talab etilmaydi. Ya'ni yonida qanday ayol bo'lmasin, go'zalmi yo'qmi, mahorati bormi mahoratsizmi, erkak baribir aloqa natijasida jismonan qoniqadi. Nega unda ba'zida u qoniqmagandek bo'ladi? Sababi, unga ruhiy qoniqish ham kerak.
Jismoniy qoniqish unga yetarli emas, ayolga ham erkakka ham jinsiy aloqadan ruhiy qoniqish talab etiladi. Aynan shu ruhiy qoniqishni o'z ayolida topa olmagan erkak boshqa jinsiy munosabatlarni izlashni boshlaydi.

Ruhiy qoniqishni erkakka nima beradi?
Ayoli! Aloqa davomida erkak ruhan qoniqishi uchun ayolining ozg'in-to'laligi, go'zalligi, kelishganligi hech qanday ahamiyat kasb etmaydi. Ayolining jinsiy aloqadan lazzatlana olishi qobiliyatidan erkak ruhiy qoniqadi, o'z erkakligiga, kuchiga ishonch hosil qila oladi. Bu ishonchni bera olmagan ayol eriga ruhiy qoniqishni hech qachon bera olmaydi.
Erkak qancha qo'pol, kuchli. jahldor bo'lmasin, agar jinsiy aloqada ojiz bo'lsa, u sinadi. Demakki, jinsiy aloqa erkakka kuch beradi, o'ziga ishonch uyg'otadi. Ayoliga cheksiz lazzat keltira olgan erkakning o'ziga bo'lgan ishonchi esa yanada ortadi.
Bu degani ayol eriga ishonch berish uchun lazzatlanishini sun'iy ravishda izhor etish kerak emas albatta, bu bilan u maqsadiga erishmaydi. Ayol haqiqattan eri bilan bo'lgan aloqani sevib qolishi kerak. Bu aloqa u uchun sifatli va yoqimli bo'lishiga eriga ham yordam berishi kerak. Unga nima yoqish yoqmasligi haqida gapira olib, erini kerakli munosabatga unday olishi lozim.
Buning natijasida, ayolini o'zidan, aloqadan chinakam lazzatlanayotganini ko'rgan erkak, ruhan qoniqadi.
Ruham qoniqmagan erkak aybni o'zida emas, jinsiy aloqada ham emas, munosabatlarda, ayolining ko'rinishida izlay boshlaydi.
Insonni hayvondan farqi ongi borligidadir. Hatto jinsiy aloqada ham uning ongi ishtirok etadi. Mana shu ong erkakka jismoniy lazzatlanish yetarli emasligini ko'rsatib turadi.

Yaqinda farzandlik bo'lgan er-xotin orasida birinchi bo'lib jinsiy munosabatlarda salbiy o'zgarish yuz beradi. Ahamiyat bersangiz, ko'pincha bunga sabab ayolda ona bo'lishdan oldingi bo'lgan ehtirosning ancha kamayganligidir. Aynan shu faktor erkakka yoqmaydi. Chunki ayolini jinsiy sovuqqon bo'lib qolganini sezayotgan erkak, ruhan bu munosabatlardan hech qachon qoniqa olmaydi

Erkakda jinsiy aloqa jismoniy qoniqish bilan yakunlanishiga qaramay, ba'zi erkaklar aloqa jarayonida ayolining qo'shimcha mahoratini talab qilishi mumkin, bu shunchaki aloqani go'zllashtirish, qiziqarliroq bo'lishi usulidir.

Muhimi bu emas, chunki aloqa qanday davom etmasin, uning yakuni erkakning jinsiy munosabatga bo'lgan ehtiyojni butunlay so'ndira oladi. Ya'ni u jismonan to'q bo'ladi. Lekin ruhiy qoniqish bunda sodir bo'lmasligi erkakni odatda asabiy, befarq yoki ayoli va uning ishida ayb qidiradigan qilib qo'yadi. Yonida aloqani sevadigan, undan to'liq lazzatlana oladigan ehtirosli ayolni ko'rayotgan erkakgina u ayol bilan jinsiy munosabatda ruhiy qoniqa oladi.

Turmushimdan charchadim

Sayyod_Bek — Wed, 06 Jun 2018 11:09:51 GMT

Shunday ham bo'lib turadi...Ajrashish?
Yo'q, hech qachon ajrashishga shoshilmang, bu haqda hatto o'ylamang ham. Chunki turmushdagi muammolarni bartaraf etish mumkin va kerak, bu faqat sizning qo'lingizda!

Qanday qilib?
Hech bir turmush muammosiz bo'lmaydi. Istaymizmi yo'qmi, lekin har bir juftlikda bir davr boladi-ki, ular bir-biridan yiroqroq bo'lishga intilib qoladilar. Kimdadir bu hissiyot kuchli namoyon bo'lsa, kimdadir(baxtliroq juftliklarda) bu holat bir necha kun davom etadi. Nima bo'lganda ham turmushdan charchagan payt hammada bo'ladi. Bu degani siz baxtsiz emas, siz biroz dangasalik qilyapsiz deganidir. Erkak bo'lsangiz, yaxshi pul topib ishlayotgan bo'lishingiz mumkin, ayol bo'lsangiz, oshxona ishlarini bir maronda olib borayotgan bo'lishingiz mumkin, lekin turmushingizdan charchayapsizmi, demak o'z hayotingiz ustida ishlashga dangasalik qilayotganingiz aniq.

Turmush esa, ayniqsa baxtli turmush tinmay mehnatni talab qiladi. Munosabatlar ustidagi mehnat!
Bir eslang, siz turmushga chiqqaningizda yoki o'ylanayotganingzida qanday edingiz? Turmush o'rtog'ingiz qanday edi? Nahotki yillar o'tib siz yoki turmush o'rtog'ingiz o'sha-o'sha bo'lib qolaverasizlar, deb o'ylasangiz? Yoki undan yomoni nega turmush o'rtog'im boshida bo'lgani kabi emas deb nolib yurgan bo'lsangiz?. Shuni bilingki, siz hatto ideal insonga turmushga chiqqan yoki o'ylangan bo'lsangiz ham turmushingizni baxtli qilish ustida ishlamasangiz baxtli bo'la olmaysiz.
O'ylanayotganda erkak shunchaki yigitdir. Keyin er bo'lib qoladi va onasining o'ylangan o'gli. Vaqt o'tib ota bo'ladi, keyin esa 2-3 karra ota. Shu tarzda uning ijtimoiy statusi o'zgarib boradi, bunga qo'shilib bu erkak ham, ichki dunyosi ham, dunyoqarashi va munosabatlari o'zgarib ketadi. Agar unga yigitligida bir narsa yoqqan bo'lsa, hozir u bunga umuman befarq bo'lib qolishi mumkin. Ota bo'lishidan oldin uni bir narsa oson g'azabini chiqargan bo'lsa, endi bu holat uni jilmaytirishi hech gap emas.
Turmush davomida erkak ham ayol ham butunlay o'zgarib borishi normal holat. Muhimi bu o'zgarish davomida er-xotin qayta-qayta munosabat quribshlaridir.
Turmushning boshida bir munosabatda bo'lishsa, ota-ona bo'lgach boshqa munosabatlar paydo bo'ladi. Erkak va ayol faqat bir-birini o'ylab yashagan bo'lsalar, endi ular orasida farzand ehtiyojlari ham inobatga olinadi, demakki bu yangi munosabat. Yangi ekan, uni ustida ishlash lozim.
Odatda esa er-xotin oilaviy tushunmovchiliklarda o'zini yoki bir-birini ayblaydilar. Aslida esa muammo yonimizdagi inson yomonligida yoki uning kamchiligida bo'lmaydi, muammo bizning o'zgargan munosabatimizda bo'ladi. Turmushdan oldin hamma bir-biriga zo'r bo'lib tuyuladi, yoqdimi, demak zo'r. Lekin bu degani unga turmushga chiqsak yoki o'ylansak turmushimiz ham zo'r bo'lmasligi ham mumkin, to'g'rimi? Zo'r yigit o'ta ma'suliyatsiz ota bo'lib chiqadi. Yoki aksincha, mehribon, muloyim qiz, turmushga chiqib zahar kelinga aylanib qoladi. Chunki inson katta bo'lgach, farzandli bo'lgach, boshqa ishga o'tgach va umuman atrofdagi holatlarning o'zgarishi natijasida qanday o'zgarishini o'zi ham bila olmaydi. Turmushning zo'rligi insonning yaxshi yoki yomonligiga bog'liq emas, uning kamchiligi bor-u yoqligiga ham. Turmushning zo'ri undagi zo'r munosabatlarga bog'liq.
Necha yoshda, qanday hol va statusda bo'lmasin, erkak va ayol turmushi chiroyli bo'lishi uchun hayot davomida bir-birini emas, o'z munosabatlarini yaxshilash borasida mehnat qilishi kerak.
Osongina ajrashib olib bundan zo'rini topaman deyishga shoshilmang. Bundan zo'ri bo'lmaydi. Zo'rini o'zimiz qilishimiz kerak.
Turmushingiz yoqmay qolyaptimi, mehnat qiling. Bo'shlik qilib qochmang yoki befarqlik bildirmang. Turmushni siz yaxshilamasangiz, u o'zi yaxshilanib qolmaydi.

Nimaga unday bo'lyapti?

Nima qilsam bo'ladi?

Nima qilay?
...kabi savollarni o'zingizga berib, ularga javob izlang, tashlab qo'ymang.
Izlaning, baxtli bo'lish yo'llari ko'p, muhimi munosabatlar ustida mehnat qilish kerak. Insonning baxti faqat o'zining qo'lida. Hech kim va hech narsa sizni baxtli qila olmaydi. Faqat o'zingiz buni ustida ishlasangiz, natijasini o'rasiz.
Umr davomida qanchalik turmushingiz baxtli bo'lishi ustida mehnat qilsangiz, uni baxtli bo'lishi uchun qayg'ursangiz, ajrashishga shoshilmay, o'ylab, o'lchab, sinchiklab turmushni yaxshi tomonga burish ustida ishlasangiz, yillar o'tib buning ijobiy natijasidan bahramand bo'la olasiz.

Tuqqandan so'ng qorinni bog'lab olish natijasi

Sayyod_Bek — Wed, 06 Jun 2018 10:55:14 GMT

Onalarimizning ta'kidlashicha, tuqqan ayol belini (qornini) bog'lab olsa, birinchidan beli og'rimas, ikkinchidan qorni osilib qolmas ekan.
Bu haqda biron aniq tadqiqot mavjud emas. Undan tashqari shifokorlarning ta'kidlashicha uzoq vaqt mobaynida belni bog'lab yursa, bel mushaklari bo'shashib qoladi va belbog' yechilganidan so'ng og'rishi mumkin.
Darhaqiqat, ba'zida ota-bobolarimizdan qolgan odatlar minglab tadqiqotlardan ustunroq bo'la olarkan. Xususan, tuqqandan so'ng belni bog'lash haqidagi odat. Tuqqandan so'ng belni bog'lab yurish juda kerak ekan!
Tuqqandan so'ng ayol bachadoni 1-3 kun mobaynida keskin qisqarib undan ko'p miqdorda qon ajralishi kuzatiladi. Shu davr o'tgach, Ultra tovushli diagnostika bachadonda hech qanday qoldiq yo'qligini tasdiqlagach, bemalol qorinni bog'lab olish mumkin.
Qorinni har kuni, iloji bo'lsa tunda ham qattiq bog'lab olish kerak.
Bog'lov qattiq bo'z yoki cho'zilib ketmaydigan chitdan bo'lishi lozim. Razmeri bir choyshapchalik bo'ladi. Uni engli(20-25 sm) qilib taxlab belbog' shakliga keltirasiz. So'ng qalin tomonini qoringa qo'yib, bel tomondan bitta o'girib yana qoringa keltirib qattiq bo'glab olasiz

Bog'lashni yotgan holda qilish kerak, shunda qorin ichiga kirib qattiq bog'lanadi.
Bog'lovni kamida 40 kun chillada, iloji bo'lsa tuqqandan so'ng 6 oyga qadar tutib yurish kerak.
Boshida belbog' yechilganida bel bo'shashib qolgandek tuyuladi. Aslida bu tuqqandan so'ng bo'ladigan normal holat. Aynan shuning uchun ham belni uzoqroq vaqt mobaynida bog'lab yurish lozim. Bir necha oy o'tgandan so'ng bu holat o'z-o'zidan yo'qolib belbog' yechilganda ham bel mahkamligi sezilib turiladi.
Undan tashqari belni bog'lash tuqqandan so'ng osilib qolgan qorinni ham yo'q bo'lishiga yordam beradi. Ozg'in ayolda ham tuqqandan keyin qorni osilib qolishi mumkin. Buni hech qanday dieta yoki krem bilan ketqazib bo'lmaydi. Eng oson yo'l, bu qorinni bog'lab yurishdir. Agar siz ma'lum bir sabablarga ko'ra vaqtida bel(qorin)ingizni bog'lay olmagan bo'lsangiz hozir ham kech emas. Kamida yarim yil mobaynida qorningizni qattiq tortib bog'lab yuring. Natijasi shundoq ko'rinadi.
Chilla davrida belni qattiq bog'lash bachadon tezroq tozalanishiga ham ijobiy ta'sir ko'rsatadi.

Agar bog'langan holdagi yurishingiz erinizga yoqmasa, bir amallab ko'ndiring. Chunki 6 oy bog'lab yursangiz, keyin butun umr go'zal qorningiz bilan maqtana olasiz.

Ushbu maqsadda tug'ishdan so'ng tutiladigan bandajlar ham mavjud. Lekin oddiygina chit choyshabini qattiq bog'lab yurishdan bo'lgan samarasi bandajga ko'ra bir necha bor yuqoriroq bo'ladi.

Tuqqandan so'ng homiladorlikdan saqlanish usullari

Sayyod_Bek — Wed, 06 Jun 2018 10:53:09 GMT

Qo'lda chaqaloq bilan yangi homiladorlikdan saqlanish masalasiga jiddiy yondashish lozim. Bu onaning sog'lig'i uchun, o'sayotgan chaqaloqning jismoniy va ruhiy rivojlanishi uchun ham muhimdir.
1. Eng ishonarlik va bezarar usul bu prezervativdir. U foydalanishda qulay, erkak yoki ayol salomatligiga, hatto emayotgan bola salomatligiga ham hech qanday salbiy ta'sir ko'rsatmaydigan deyarli 99% samaraga ega bo'lgan saqlanish usulidir. U nafaqat rejalashtirilmagan homiladorlikdan, balki ko'plab jinsiy kasalliklardan ham himoya qiladi.
2. Gormonal kontrasepsiya vositalari. Bola tug'ilgach kamida 6 haftadan so'ng foydalanish mumkin. Ba'zi tadqiqotlarning ta'kidlashicha, emayotgan bola salomatligiga salbiy ta'siri mavjud emas. Lekin gormonal tabletkalar tufayli onada vazn oshishi, ba'zida bosh og'rishi kuzatilishi mumkin. Kam hollarda uzoq vaqt davomida qabul qilingan gormonal vositalar ko'krak saratoniga moyilligi bor ayollarda saraton kasalligini qo'zg'atib yuborishi mumkin. Undan tashqari gormonal tabletkalar qabul qilishning kamchiligi shundaki, ularni har kuni bir vaqtda o'tkazib yubormay ichish shart. Aks holda, homiladorlikdan saqlash samarasi pasayadi va onaning gormonal salomatligi buziladi.
3. Bachadon ichi vositalari. Ular mexanik va gormonal turlarga bo'linadi. Gormonal turining samarasi va ta'siri gormonal tabletka singari namoyon bo'ladi. Mexanik vositalar homiladorlikdan 98%ga saqlaydi, lekin ba'zi ayollarda bachadon yallig'lanishini keltirib chiqarishi mumkin. Mexanik bachadon ichi vositalari tufayli hayz kuni va davomiyligi odatda ko'payadi.

O'zbek ayoli turlari - siz qaysi birisiz?

Sayyod_Bek — Mon, 23 Apr 2018 17:34:21 GMT

Turmushda o'zbek ayolini bir nechta turga ajratib ko'rsa bo'ladi.

1. Kelin ayol
Bu kabi ayollar yoshligidan faqat kelin bo'lishga o'rgatiladi. Ular uchun qaynona-qaynotaga xizmat qilish hayotda birinchi o'rinda turadi. Bolasi yig'lab turgan bo'lsa ham, qaynonasi aytgan chuchvarani qilib qo'yish bunday ayollar uchun eng birlamchi vazifadir. Turmush o'rto'giga ham qaynona-qaynotasining o'g'lidek qaraydi. Ya'ni, erining ehtiyoji qaynona-qaynotasining ehtiyojidan kelib chiqqan holda baholanadi. "Kelin" ayol turmush o'rto'gi bilan alohida chiqib ketsa, turmushida kelishmovchiliklar ko'payadi, chunki bu ayollar qaynona-qaynotalik uyda yashashga moslashgan. Ularning eri boshida ota-onamga yaxshi xizmat qilyapti deb xursand bo'lsa, borib-borib o'ziga va farzandlarga bo'lgan bee'tiborlikdan nolishni boshlaydi.

2. Tili shirin ayol
Bunday ayollar tili bilan hammani o'ziga qaratay oladi. Uyning kirligi, bolalarning muammolari, ovqatning bemazaligi ayolning shirin tili bilan qoplanib ketadi. Ularni urishgan taqdirda ham uydagi vaziyat o'zgarmaydi, lekin og'zidan bol tomib, "ho'p bo'ladi" degan gapi bu kabi ayollarga hamma narsani kechirishga undaydi. Ular uy ishiga yo'q, farzandlari tarbiyasiga befarq bo'ladilar. Bu kabi vazifalar asosan erining bo'ynida bo'ladi. Eri esa "tili shirin" ayolining shirin so'ziga mahliyo bo'lib hamma ishni o'z bo'ynida ko'tarib kun kechiradi. Bunday erkaklar odatda ishda katta muvaffaqaiyatlarga erisha olmaydilar, chunki fikri-hayoli uy muammolarida bo'ladi.

3. Aqlli ayol
Bunday ayollar erkak uchun haqiqiy turmush o'rtoqdir. Ular erining har bir ehtiyojini oldindan seza biladilar. Bunday ayollarning uylari saramjon, bollari sarishta bo'ladi. Aqlli ayolning uyidan baraka arimaydi. Lekin tili shirin ayollardan farqli o'laroq bunday ayollarning tili ham ba'zida chaqqonlik qilib turadi. Bu esa hech bir erkakka yoqmaydi.

4. Go'zal ayol
Go'zal ayol uchun eng muhimi uning tashqi ko'rinishidir. Bunday ayollar saharlab turib sochini turmaklashga, bo'yanishga erinmaydilar. "Go'zal ayol" ning eri ishdan kelishiga shirin ovqat yemasa ham, go'zal ayolini ko'radi. Uylar toza bo'lmasligi, bolaning darsi qilinmagan bo'lishi, ovqat tuzi ko'p bo'lib qolishi bu kabi ayollar uchun hech gap emas, lekin uni hech qachon bo'yanmagan yoki sochi turmaklanmagan holatda ko'rmaysiz.

5. O'g'il bola ayol
Bu ayollar uyda hamma narsani eplaydilar. Bozor-uchar ham, buzilgan rakovina ham, tushib ketgan javonni tuzatish ham ularning qo'lidan keladi. Kerak bo'lsa, pul topish ham bunday ayollar zimmasida bo'ladi. Ular ayollik vazifasini biroz unutib, o'zini erkaklarcha tutadilar. Ular hamma narsaga ulguradi va ko'pincha boy bo'ladi. Yonida erkak bo'lsa, u odatda bo'sh va yumshoq bo'ladi. Bunday ayollar oilasida o'sayotgan bolalar turmushni biroz teskari qabul qiladilar. Ular uchun hayotdagi erkak va ayol o'rni almashib qolgan bo'ladi.

6. Aybdor ayol
Bunday ayollar oramizda juda ko'p. Ular hammani oldida o'zini kamsitaveradilar. Eri ursa ham, yursa ham o'zini aybdor deb biladi, qaynonasi jahl qilsa, o'zidan ayb qidiradi. Bunday ayollar o'zini astoyidil kamsitgani tufayli ko'p ish qiladilar. Tinmay ish qiladilar. Bollariga ham yalinib yuradilar. Bollari bu kabi ayollarni odatda hurmat qilmay o'sadi. Ular hammadan gap eshitib yuradi va hammani ko'zida hech narsaga yaramaydigan bo'lib ko'rinadilar. Ularning umr vazifasi o'z "ayb"ini yuvib yashashdir. Buning uchun esa ular ish qilishdan to'xtamaydilar.

7. Ideal ayol.
Bu kabi ayol haqida har bir erkak orzu qiladi. Ular o'z ichiga "kelin", "tili shirin", "aqlli", "go'zal", "o'g'il bola", "aybdor" ayollarni hislatlarini qisman qamrab olgan bo'ladi. Natijada kerak bo'lganda kerakli fazilatni ko'rsata oladigan ideal ayolni chiqadi.
Ideal ayol bo'lish hammaning qo'lidan keladi, buning uchun yuqoridagi barcha fazilatlarga ega bo'lib, vaziyatdan kelib chiqqan holda ularni namoyon etishni bilmog'i darkor.

Erkak bepushtliligining asosiy sabablari

Sayyod_Bek — Mon, 23 Apr 2018 17:29:39 GMT

Juftlikda bir necha yil davomida farzand tug'ilmayotgan bo'lsa, u holda ayolni ham erkakni ham birdek tekshirtirmoq lozim.
Erkak bepushtligiga olib keluvchi asosiy, keng tarqalgan omillar:
Spermotozoid soni kamligi
Spermotozoid harakatining sustligi
Varikotsele
Tuxumning normal holatda turmasligi (pastga to'liq tushmagan tuxumlar)
Tashqi muhitdagi xenoestrogen moddasining ortiqcha ta'siridan kimyoviy zaharlanish
TORCH infeksiyalar
Endokrin kasalliklar
Tug'ma nuqsonlar
Siydik yo'llaridagi notog'ri struktura
Oqsil yetishmoqvchiligi

Homiladorlik yuz berganini qanday bilsa bo'ladi?

Sayyod_Bek — Fri, 06 Apr 2018 14:53:35 GMT

Urug'lanish yuz berganini tezroq bilish imkoni bormi? Homiladorlik bo'lganini xis etish mumkinmi?

Homilador bo'lishni orzu qiladigan ayollar agar uzoq muddat davomida maqsadiga erisha olmayotgan bo'lsalar, o'z organizmiga quloq soladigan va uning har bir o'zgarishiga kuchli e'tibor qaratadigan bo'lib qoladilar. Oddiy bosh og'riqni ham bunday ayollar homiladorlik belgisiga aylantirishni xohlaydilar.

Organizmda bo'layotgan urug'lanish jarayonini his etish mumkinmi?

Homilador ayollarning deyarli 80% bu savolga yo'q deb javob beradilar. Lekin qolgan 20% ayollar aynan urug'lanish sodir bo'lgan kuni organizmida qandaydur o'ziga xos o'zgarishlar yuz berganini ta'kidlaydilar.
Urug'lanish jarayoni hayz siklining o'rtalarida sodir bo'lgan bo'lsa, uni haqiqiy natijasini faqat keyingi hayz sikli boshlanish davrida homiladorlik testi yoki qon analizi orqali bilsa bo'ladi. Ungacha o'tadigan 10-14 kun ayol uchun o'ta uzundek tuyuladi. Chunki aynan shu 10-14 kunda organizmda nima bo'layotganini hech qanday analiz ko'rsata olmaydi.
Hissiyotlar-chi?
Tibbiyotning ta'kidlashicha, ayol hech qachon urug'lanish jarayonini his eta olmaydi. Chunki ayol tuxumi erkak spermatozoidi bilan uchrashgandan so'ng 6-7 kun o'tgandagina zigota(urug'langan tuxum) bachadonga kelib tushadi. Ana shundan keyin homiladorlik davri boshlanishi mumkin. Bu muddat ichida zigota ma'lum sabablarga ko'ra o'z manziliga yetib bormasligi yoki bachadonda nobud bo'lishi ham mumkin. Buni ham ayol his eta olmaydi, u shunchaki bir necha kundan so'ng keyingi hayz siklini ko'radi.
Ba'zi ayollarda urug'langan tuxum bachadonga joylashganida(implantasiya) oz miqdorda qon ajralmalarini keltirib chiqaradi. Bu ajralmalar o'ta kam miqdorda va 1-2 kun davomida namoyon bo'ladi. Mana shu holat homiladorlik boshlanganidan dalolat berishi va uni ayol hech qanday analizsiz o'zi ko'rishi mumkin. Keyingi hayz sikliga qadar bundan boshqa hech qanday
homiladorlik alomati ayolda yuzaga chiqmaydi.

Lekin hayz sikli o' rtalarida ayolda qon ajralmalari bo' lishi faqat implantasiya yuz bergani dalolati emas, bunga yana ko' plab
homiladorlik bilan bog' liq bo' lmagan faktorlar sabab bo' lishi mumkin.

Tuxum urug'lanib bachadonga implantasiya bo'lgach bir necha kundan so'ng keyingi hayz sikli boshlanadigan davr keladi. Ana shundan so'nggina ayolda bosh aylanish, ko'ngil aynash, bosh og'rishi, kayfiyat o'zgaruvchanligi va boshqa homiladorlikning ilk alomatlari namoyon bo'lishi mumkin.

Yuqorida ta'kidlaganimizdek ba'zi ayollar urug'lanish payti qandaydur og'riqlar sezganini yoki bo'lmasa organizmidagi biron o'zgarishlar haqida aytib beradilar, lekin bu ularning psixologik ishonchidir, xolos. Ular tezroq homilador bo'lib, bu hissiyotni boshidan o'tkazishni xohlaganlari uchun shunday hayolga boradilar. Ular aldamaydi, haqiqattan bir nimalar sezgandek bo'ladilar. Lekin bu yolg'onchi tuyg'ular. Ular ayolning kuchli xohishi natijasida yuz beradi. Urug'lanish jarayoni bu oddiy qilib aytganda hujayra bo'linishidir. Bu mikroskopik jarayonni jismonan his qilib bo'lmaydi.

Танловингиз феълингиздан сўзлайди

Sayyod_Bek — Tue, 03 Apr 2018 19:31:14 GMT

Гоҳида феълимизга ўзимиз ҳам тушунмай қоламиз. Эътиборингизга тақдим этилаётган тест эса сизнинг ўзингизга хос томонингиз ҳақида сўзлайди. Шарти оддий — суратдаги креслоларга диққат билан қараб, фақат биттасини танланг ва унга берилган таърифни ўқинг.

Ишчан

1. Офисбоп креслони танлаганингизга қараганда, ишга муккасидан кетганлар тоифасидансиз. Албатта, меҳнаткашлик яхши сифат. Аммо ишга муносабатингиз соғломми ёки бор аламингизни шу йўл билан чиқараяпсизми? Айни пайтда зерикарли ва оғир иш билан шуғулланаётган бўлсангиз ҳам, ажабмас. Балким таътилга чиқиш, иш тартибига янгилик киритиш, умуман йўналишни ўзгартириш ҳақида ҳам ўйлаб кўрарсиз? Ўз фикрингизни айтишдан чўчимаслигингиз эътиборга молик. Фақат қаерда, қайси вазиятда — шунга диққат қилинг.

Хаёлпараст

2. Айни пайтда, очиқ айвонда, оромкурсида ўтирганча хаёл суришни истаяпсиз ҳойнаҳой. Аслида ҳам сиз кун давомида бир жойдан қимир этмасдан, ҳеч нима қилмасдан хаёллар уммонига шўнғишингиз мумкин. Романтик, ижодкор ва орзуманд инсонсиз. Сизнинг ўйларингиз, истакларингиз чегара билмайди. Гоҳида реал ҳаётни унутиб ҳам қўясиз. Мувозанатни топишингиз керак. Масалан, хаёлингизга келган фикрларни дафтарчага қайд қилишни бошланг. Шунда улар реал ҳаётга кўчиб, натижа кўрсата бошлайди. Оламшумул ғояларга муаллифлик қилсангиз, зўр-ку!

Руҳшунос

3. Тебранма ўриндиқни танлаганлар табиатан руҳшунос бўлишади. Улар қаршисидаги кишини жон қулоқлари билан саҳардан шомгача киприк қоқмасдан тинглашлари мумкин. Бошқаларнинг ҳаёти, ҳикоялари улар учун жуда қизиқ. Киришимли, савол беришни хуш кўрувчи, самимий, хотиржам ва албатта, тинглашни биладиган инсонсиз. Эшитганларингизни таҳлил қилиш қобилиятингиз эса таҳсинга лойиқ. Айнан шу сифатингиз туфайли сизга дардини ёрган кишини тушуна оласиз, уни айблашдан, мазах қилишдан йироқсиз.

Файласуф

4. Классик услубдаги креслога ихтиёр берганлар, узоқ ўйлайдиган кишилар саналади. Уларнинг қарашлари файласуфона. Дунёқарашлари шунчалик кенгки, ёлғизликда ҳам зерикиш нелигини билишмайди. Агар у-бу ким билан кимсасиз оролга тушиб қолсалар, уни ҳам зериктиришмайди. Қизиқарли инсонликлари, кузатувчанликлари, хотиралари ўткирлиги, сўзларни оқиллик билан танлаб нутқида ишлатишлари суҳбатдошларининг сафини кенгайтиради.

Ўқувчи

5. Сиз нега айнан оддийгина стулни танладингиз? Чунки доим ўрганишга шайсиз! Сабрли ва интилувчанлигингиз ҳам ҳар ишда қанот бўлгувчи хусусиятларингиздан. Янги билимларни эгаллаш, кашфиётлар қилиш табиатингизга хос. Миянгиз тўла ғиж-ғиж ғоя! Муҳими, уларни амалга тадбиқ этишни ҳам биласиз. Ўқиш ва ўрганишдан чарчаманг. Фақат ўзингизга куч бағишловчи, руҳан ва жисмонан толиқишингизга йўл қўймайдиган машғулотлар билан ҳам шуғулланиб туринг.

Саёҳатчи

6 - рақам остидаги ўриндиқ сизнниг айни пайтда ўзингизни бўш қўйиб, ҳамма нарсани унутиб, руҳан енгил тортишни истаётганингиздан сўзлайди. Қолаверса, сайёҳат қилиш жону дилингиз эканлигини ҳам англатади. Айниқса, машина ёки самолёт ойнасидан атрофни томоша қилиб кетишни хуш кўрасиз. Сизга янги жойлар, янги танишлар, ана борингки, янги буюмлар ҳам ўзгача кайфият бағишлайди. Бу бир томондан қизиқувчанлигингиздан дарак берса, иккинчи томондан руҳан хотиржам эмаслигингизнинг ҳам таъсири бўлиши мумкин. Муаммолардан чалғишни эмас, уларни ё ҳал қилиш, ёки қўйиб юборишни ўрганинг.

МУХЛИСА тайёрлади

Erkakning muddatidan oldin chiqarib yuborishi

Sayyod_Bek — Fri, 23 Mar 2018 18:28:16 GMT

Erkakning muddatidan oldin chiqarib yuborishiga nima sabab bo'ladi?
Asosiylariga to'xtalsak, bu prostata bezi kasalliklari, ba'zi dori-vositalar ta'siri, depressiya , psixologik kuchsizlik, o'ta sezuvchanlik.

Erkakning muddatidan oldin tugatishi holatini davolash yo'llari:
Agar bunga sabab jismoniy muammo bo'lsa, u holda u dori-vositalari bilan davolanadi.

Muammo faqat erkak psixologik holatida bo'lsa, u holda psixoterapiya yoki boshqa mexanik davolash yo'llari qo'llaniladi.
Erkakning muddatidan oldin chiqarib yuborishi bilan
bepushtlik ning aloqasi bormi?
Albatta. Agar erkak spermatozoidlari ayol qiniga kira olmasa, homiladorlik yuz bera olmaydi.

Homiladorlikdan saqlanish vositasi sifatida tashqariga chiqarishning zarari yo'qmi?
Zarari bor. Saqlanish vositasi sifatida bunday yo'ldan uzoq vaqt mobaynida foydalanish kelajakda eraksil disfunksiya va boshqa noxush jinsiy holatlarga olib kelishi mumkin.

Erkakning muddatidan oldin chiqarib yuborish holati o'zi o'tib ketadimi yoki shifokorga uchrash zarurmi?
Agar bu holat yilda 1-2 marta yuz berayotgan bo'lsa, unga ahamiyat bermasa ham bo'ladi. Lekin har jinsiy aloqa shunday yakunlanayotgan bo'lsa, u holda urologga uchrab sababini bilib vaqtida davolanish tavsiya etiladi.