00:25 Homiladorlik taqvimi- homiladorlikning 24 haftasi | |
Onaning holati Vazningiz tobora oshib bormoqda. Natijada esa, bosh og'riqlari, oyoqqa og'irlik va umumiy holsizlanish ham ko'payib kelmoqda. Shuning uchun yotganingizda oyoqlaringiz tanangizdan doim balandroqda bo'lishiga ahamiyat bering. Ko'pchilikda 5-oy homiladorlikning eng yaxshi oyidir. Siz juda ochilib ketgan ko'rinib, o'zingizni baxtiyor his etasiz. Agar shu paytgacha siz asta- sekinlik bilan semirib kelgan bo'lsangiz, endi vazningiz bundan ham tezroq ko'payadi. Qo'l va yelkalaringizning biroz shishganligi organizmda suv miqdori qolib ketganligi natijasidir. Homiladorlikdan so'ng u o'tib ketadi. Yuzingiz ham biroz shishgan bo'lib, ko'krak uchi cho'chchaymoqda. Qorin esa borgan sari kattalashmoqda. Bachadonning yuqori qismi kindikdan yuqorida joylashgan. Endi siz bolangiz uxlayotganini yoki o'ynab yotganligini bemalol his qila olasiz. Yoz faslida yetarlicha suv ichishga harakat qiling. Organizmning suvsizlanishi muddatidan oldin tug'luqlarni chaqirishi mumkin. Shu davrga kelib sizning terlashingiz kuchayadi. Shuning uchun sintetik kiyimlardan voz keching. Ko'proq dam olishga o'rganing. Shifokor bilan maslahatlashgan holda maxsus gimnastika yoga yoki nafas olish mashg'ulotlarini amalga oshiring. Agar quyidagi alomatlardan birini his etsangiz, zudlik bilan Tez yordamni chaqiring: - qorningiz 1 soat ichida kamida 5 marotaba qizqarishi; - qindan qon chiqishi; - qo'l va yuzning keskin shishib borishi; - siyish jarayonida og'riqlar; - qorinda kuchli yoki uzoq davom etadiga og'riq; - o'tkir yoki to'xtamaydigan qusish; - qindan suyuqlik ajralishi; - belning qattiq og'rishi; - najas qilishga undovchi toz qismidagi hissiyotlar. Homiladorlikning 24-haftasiga kelib sizning vazningiz 4.5 kgdan ortiq oshmagan bo'lsa, bu eng optimal holat. Brekston Xiks tug'luqlari namoyon bo'lib turishi mumkin. Ularning davomiyligi 1-2 daqiqadan ortmaydi. Bu tug'luqlarning haqiqiy tug'luqlardan farqi shundaki, ular kun mobaynida bir ikki marta bo'ladi xolos. Haqiqiay tug'luqlar esa kun mobaynida bir necha bor ma'lum bir interval bilan takrorlanadi. Agar sizda takrorlanuvchi tug'luqlar namoyon bo'layotgan bo'lsa, tezda shifoxonaga boring, u yerda maxsus apparat orqali haqiqiy tug'luqmi yoqmi aniqlab, bola muddatidan oldin tug'ilishini oldini olish maqsadida kerakli muolajalar qilinadi. Bolaning holati Homilaning uzunligi 29-30 sm Og'irligi 590-595 gramm Bolaning yuzi shakllanib bo'ldi desak bo'ladi. Endi uning yuz ko'rinishi aynan tug'ilganida bo'ladigan ko'rinishga ega. Bola kattalashgani uchun bachadonda bir oz siqilib qolgan va harakatlari oldinchalik har tomonlama emas. U borgan sari tashqi muhitga ko'proq quloq solmoqda. Agar siz cho'chib ketsangiz, bola ham cho'chiydi. Tadqiqotlarning ko'rsatishicha, bola cho'chish va xavotirlik holatda bir necha soatgacha qolishi mumkin ekan. Uning teri osti yog'lari ko'payib kelmoqda. Bu yog'lar bolaning tug'ilishidan keyin tana haroratini maromda ushlab turishni ta'minlaydi. Shuning uchun muddatidan avval tug'ilgan chaqaloqlarning tana haroratini bir maromda bo'lishi juda katta muammo bo'lib, g'amho'rlik va kerakli ahamiyat yordamida uning hayotini saqlab qolish imkoniyati bo'ladi. Bunday bolalar maxsus ko'rikda bir necha haftalar davomida bo'lishi kerak bo'ladi. Odatda bola muddatidan oldin tug'ilib qolsa, uning shifoxonada bo'lish muddati tug'ilishining haqiqiy muddati kelguniga qadar belgilanadi. Ya'ni, bola 26-28 haftalarda tug'ilib qolsa, u holda u 12 hafta davomida shifoxonada maxsus ko'rik ostida bo'ladi. Shu vaqt ichida uning yog' bezlari faoliyatini boshlab, o'pkasi yetiladi. O'pka ichida u nafas olish jarayonida devorlari yopishib qolmasligini ta'minlovchi maxsus plyonka paydo bo'ladi. Agar bola shu davrda tug'ilib qolib, unga kerakli qarov berilsa, uning yashab ketish ehtimoli bor. Muddatidan oldin tug'ilgan chaqaloqlarning asosiy muammosi ularning o'pkasi rivojlanmaganligidir. Shuning uchun ularga steroidlar berilib o'pkasini sun'iy rivojlantirishadi. Endi bolaning jahli chiqishi ham mumkin. Buni ultra tovushli diagnostikada namoyon bo'lgan ko'zlari ko'rsatadi. Aytancha, endi u uyquga ketib tush ko'rishi ham mumkin! Badanida yog' qatlamlarining yo'qligi tufayli u juda ozg'in. Terisida esa yog' bezlari vujudga kelmoqda. Bolaning qo'l va oyoq mushaklari juda yaxshi rivojlangan. Bolaning aktiv holati uning tinch bo'lgan holati bilan almashib turibdi. Ichingizda yengil tepinish sezilsa, demak bola yo'taldi yoki hichiqoq tortdi. Uning teri qalinlashib bormoqda. Ko'zlari esa kattadek tuyuladi. Homiladorlikning 6-oyining yakuniga kelib bolaning miyasi 100 grammni tashkil qiladi. Bolaga kislorod onadan qon orqali keladi. U nafas olish harakatlarini qilgani bilan haqiqiy nafas olmaydi. Amniotik suyuqlikni arzimagan miqdori o'pkaga tushadi, lekin buning hech qanday zarari yo'q. Bunday harakatlar bolaning miyasidagi nafas olish markazi rivojlanganligidan dalolat beradi. Mazkur markazning vaqtida rivojlanishi onaning sog'lom hayot tarzida yashashiga bog'liq bo'ladi. Agar bo'lajak ona ko'p dam olib, toza havoda ko'p vaqt o'tkazib, yetarlicha uxlasa demak hammasi yaxshi rivojlanmoqda. Lekin agar ona alkogol, nikotin, lak, kraska, kraska eritgichi kabi moddalarni ona tez-tez nafas olib tursa, bolaning markaziy asab tizimi buziladi va nafas olish markazi faoliyati orqada qolishi mumkin. manba: Uzbaby.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Материалов за текущий период нет.
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama