00:26 Homiladorlik taqvimi- homiladorlikning 23 haftasi | |
Onaning holati Homiladorlikning shu davridan boshlab Brekston-Xiks tug'luqlari boshlanishi mumkin. Ular to'satdan vujudga keladigan qisqa muddatli bachadondagi og'riq sifatida namoyon bo'ladi. Bu tug'luqlar bir necha soniya davom etib, bachadonni asta sekin kutilayotgan tug'ish jarayoniga tayyorlaydilar. Homiladorlik rivojlangan sari bu tug'luqlar ham kuchayib boradi. Faqat ularni haqiqiy tug'ish tug'luqlari bilan adashtirib yubormang. Ginekolog huzurida bo'lganingizda shifokor qorningizni ushlab ko'rib bolaning joylashishini aniqlay oladi, undan tashqari maxsus o'lchagich orqali bolaning taxminiy o'lchovlarini aytib berishi mumkin. Ba'zi ayollar qorni juda kichikligidan yoki, aksincha, kattaligidan xavotirda bo'ladilar. Bunga aslo o'rin yo'q, chunki har bir ayolning jismoniy tuzilishi har xil bo'lgani uchun qorin shakli ham hammada har xil bo'lishi mumkin. Ba'zida homilador ayol qorindan og'riqlar his etishi mumkin. Bu og'riqlar bachadonni ushlab turuvchi mushaklarning cho'zilishidan namoyon bo'lishi mumkin. Ko'pincha shu davr atrofida sizning sochlaringiz qalinlashib, kuchlanishini sezishingiz mumkin bo'ladi. Bunga qo'shimcha ravishda kutilmaganda sizning qorin, son, yuz va yelkalaringizda ham soch o'sishini ko'rib hayron qolishingzi mumkin. Buning sababi qon aylanishining tezlashishi tufayli ayol organizmi foydali moddalar bilan to'liq ta'minlanishidir. Sizni hayron qilayotgan bu keraksiz sochlar homiladorlikdan so'ng yo'qolib ketishi kerak. Arzimas qorin o'grishi bu davrda tez-tez kuzatilishi mumkin, lekin unga qo'shimcha ravishda mazangiz bo'lmay, holsizlanib, hushdan ketish, tana harorati ko'tarilishi, qindan ko'p miqdorda suyuqlik ajralishi yoki boshqa sizni havotirga solayotgan holatlar vujudga kelsa, tezda shifokoringiz bilan bog'laning. Ba'zi homilador ayollarda yuziga dog' tushishi mumkin. Buning sababi quyidagilardir: quyoshdan kuyish (toza havoga chiqqaningizda har doim quyosh nurlaridan himoya qiluvchi kremlardan foydalaning yoki yuzni himoyalovchi shlyapa taqib yuring); organizmga foliy kislotasini yetishmovchiligi (ovqatlanish ratsioningizda sabzavotlar, apelsin, suli yormasi va bug'doy nonlari bo'lishi zarur); ishqalanish (masalan, sonlarning ichki tomonidagi dog'lar sababi). Havotir olmang, bu dog'larning barchasi homiladorlikdan so'ng o'tib ketadi. Bolaning holati Homilaning uzunligi 30 sm atrofida og'irligi 500-510 gramm. Bola yog' yig'ishni tez sur'at bilan amalga oshirishiga qaramay uning yuzlari hali ham qizg'ish rang bo'lib juda burushgan. Buning sababi teri qatlamining yog' qatlamiga qaraganda tezroq shakllanishidadir. Yuzining qizg'ishligi esa terini shaffofligini kamaytirish uchun paydo bo'lgan pigmentlar natijasidir. Bola borgan sari ko'proq harakatlarini bildirmoqda. Endi sizni sekingina ichingizdan itarib qo'yishi ham mumkin. Ultra tovushli diagnostika orqali bolani qorin ichida qimirlab, kindik yo'lini ushlab, homila pufagini oyoqlari bilan tepib qo'yishini nazorat qilsa bo'ladi. Bu hozir uning butun olamidir. Bola amniotik suyuqlikni yutishni davom etib, undagi namlik va qandni hazm qilmoqda. Yo'ldosh va kindik orqali keladigan ozuqaga bu ham qo'shimcha ozuqadir. Ba'zida bolaning suyuqlik ichishining natijasida hiqichoq tutishini his etishingiz mumkin bo'ladi. Pigmentatsiya natijasida uning qo'l va oyoqlari pushti-qizg'ish rangga ega. Agar oldin u qo'lini og'ziga tiqqan bo'lsa, hozirda uni bemalol so'rishni o'rgandi. Bola o'sishda davom etib tug'ilishga tayyorlanmoqda. U o'zini yaxshi his qilib, Brekston-Xiks tug'luqlari uni bezovta qilmayapti. Mekoniy (dastlabki chaqaloq najasini) yig'ishda davom etmoqda. Bolaning deyarli barcha endokrin bezlari ishga tushgan. Ularning gormonlari bolaning organizmidagi modda almashinuviga juda katta ta'sir ko'rsatib kelmoqda. Uning talog'i o'z faoliyatini endi boshladi. Aynan taloq organizmda himoya funksiyasini bajaruvchi limfosit va monositlarni ishlab chiqarmoqda. Taloq bolaning suyak miyasi ishlab chiqarayotgan eritrositlar sifatini nazorat qilgan holda ular ichidan nuqsoni borlarini ajratib olib yo'q qilmoqda. manba: Uzbaby.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Материалов за текущий период нет.
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama