01:43 Kesarev kesilishdan keyin tabiiy ravishda tug'ish | |
Kaserev kesilish yo'li bilan tuqqan ayollar keyingi homiladorliklarida tabiiy yo'l bilan tug'ishni istaydilar. Buning iloji qancha? Kesarev yo'li bilan tuqqan ayolning keyingi tug'ishi tabiiy bo'lish imkoniyati 60-80%ni tashkil etadi. Bunga ko'plab faktorlar ta'sir qilib, ulardan biri ilk tug'ruq kesarev yo'li bilan o'tkazilishiga bo'lgan sababdir. Misol uchun, birinchi farzand tabiiy tug'ilgan bo'lib, ikkinchisi tug'ilish payti dumbasi bilan joylashgani sababli kesarev kesilish orqali tug'dirilgan bo'lsa, uchinchi homiladorlikning tabiiy tug'ish bilan yakunlanish ehtimoli yuqori bo'ladi. Lekin ilk tug'ayotganda to'lg'oqlar davomida kuchana olmay, bolani o'zi tug'a olmagani sababli shoshilinch kesarev kesilish bilan bola tug'dirilgan bo'lsa, u holda keyingi tug'ruq ham kesarev yo'li bilan yakunlanishi mumkin. Kesarevo yo'li bilan tuqqan ayolga ikkinchi homiladorligida tug'ruq qaysi yo'l bilan o'tkazilishini hech kim oldindan aniq ayta olmaydi. Bu narsa faqat rejalashtirilishi mumkin. Agar homilador ayol kesarevo yo'li orqali tuqqan bo'lib, keyingi farzandini tabiiy yo'l bilan tug'ishni maqsad qilgan bo'lsa, bu haqda o'z ginekologi bilan batafsil maslahatlashishi kerak bo'ladi. Shunda ginekologning roziligi va ba'zi shartlarning bajarilishi talab etiladi. Bu shartlar: 1. Oldingi tug'ishda bachadon T yoki vertikal emas, gorizontal kesilgan bo'lishi kerak. Muhimi shundaki, qorinda ko'rinadigan kesilish joyi ba'zida bachadondagi chok bilan farq qilinishi mumkin. 2. Homilaning chiqish yo'llari yetarlicha keng bo'lishi darkor. Albatta buni aniq bilishning iloji yo'q, lekin ginekolog ko'rik o'tkazib tahmin qilishi mumkin. 3. Tabiiy tug'ishni rejalashtirgan ayol bachadonida mioma yoki shish mavjudligi tufayli jarroxlik operatsiyasi mavjud bo'lmagan bo'lishi shart. 4. Homilador ayolda kesarev kesilish uchun zaruriyat mavjud bo'lmasligi kerak (Masalan, yo'ldosh bilan bog'liq muammolar, shish mavjudligi va boshqalar). 5. Tug'ruq davomida zarur bo'lib qolsa, kesarevo kesilish muolajasini o'tkazish va homilaga kerakli tez yrdam ko'rsata olish uchun sharoit bo'lishi muhim. 6. Homilaning tug'ish yo'llariga boshi bilan joylashgan bo'lishi kerak. Quyidagi faktorlar kesarevo kesilishdan so'ng tabiiy tug'ishga to'sqinlik qilishi mumkin: Homilador ayolning yoshi kattaligi; Homilador ayolning vazni o'ta yuqoriligi; Tug'ilayotgan bolaning vazni 4.0 kgdan ortiqligi; Homiladorlik 40 haftadan o'tib ketganligi; Kesarevo yo'li bilan tug'ishdan so'ng keyingi homiladorlikkacha bo'lgan muddat 2 yil va undan kam bo'lishi. Agar tabiiy ravishda tug'ish imkoniyati bo'lsa, undan foydalanish kerak. Chunki bir necha bor kesarevo kesilishdan so'ng bo'lgan homiladorlikda yo'ldosh bilan bog'liq jiddiy muammolar yuzaga kelishi mumkin. Undan tashqari tabiiy tug'ruqdan so'ng ona tez tiklanadi va qo'shimcha muolajalarga ehtiyoji bo'lmaydi. Barcha shartlar bajarilganda kesarev yo'li bilan tuqqan ayollarning bachadoni keyingi tabiiy tug'ruq davomida yorilishi xavfi juda past bo'lib, bir foizni tashkil etadi. Lekin yana bir xavf shundaki, nobodo tabiiy ravishda tug'ishga ayolning kuchi yetmasa yoki boshqa tibbiy holatlar tufayli shoshilinch kesarevo kesilish talab etilsa, bunday holat rejalashtirilgan kesarevo jarroxligidan ko'ra xavfliroq bo'ladi. Bunda homila salomatligiga ham ziyon yetkazilishi mumkin. Shuning uchun tug'ish yo'lini tanlash borasida hamma tomonlarni o'ylab qaror chiqarish lozim. Muhim! Rejalashtirilgan tibbiy muolajalar shoshilinch zaruriy bo'lib yuzaga kelgan holatlardan ko'ra xavfsizroq va asoratsizdir. Manba: babycenter.com, askdrsears.com. manba: Uzbaby.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama