00:44 Hayz sikli (menstruatsiya) | |
Har bir sog'lom ayol balog'at yoshiga yetgach muntazam ravishda hayz ko'radi. Homilador bo'lish, ovulyasiyani hisoblash va bepushtlik sabablarini bilish uchun ayol o'zining hayz sikli(menstruatsiyasi) haqida ma'lumotga ega bo'lish zarur. Hayz(oy ko'rish) nima degani? Hayz deb, ayolda muntazam ravishda qon ajralishiga aytiladi. Qon arjralmalari bachadon devorlari qatlamidan qin orqali keladi. Hayz sikli nima degani? Hayz sikli deganda hayz ning ilk kunidan boshlab keyingi hayz ning ilk kuniga qadar bo'lgan davrga aytiladi. Normada hayz sikli kamida 21 kun, ko'pi bilan 35 kun davom etadi. Ko'pchilikda hayz sikli 25-30 kunni tashkil etadi. Qiz bola ilk bora necha yoshida hayz ko'radi? Sog'lom qiz bola o'rtacha 9 yoshdan 15 yosh oralig'ida birinchi marta hayz ko'radi. Hayz kelgan ilk yillarda u muntazam bo'lmaydi va bir necha oydan so'ng bir muntazamlikka kelib oladi. Qon kelishi necha kun davom etadi? Asosan 3 kundan 7 kungacha bo'lib, ba'zida uzoqroqqa ham cho'zilishi mumkin. Hayz davomida 7 kundan ortiq qon kelishi anemiyani keltirib chiqarishi mumkin . Hayz sikli davomida ayol organizmida nima bo'ladi? Qon kelishi tugashi bilan, ayol organizmi gormonlari tuxumdonlardan tuxum ajralib chiqishi uchun ish olib boradi. Undan tashqari ushbu gormonlar bachadon devorlarini bo'lishi mumkin bo'lgan homiladorlik uchun tayyorlaydi. Hayz siklining deyarli yarmi tuxumning rivojlanib tuxumdondan ajralishi uchun sarflanadi. Ayolda bir hayz siklida bitta tuxum urug 'lanish uchun yetarli darajada rivojlanadi . Ikki va undan ko 'p tuxum rivojlansa , egizaklar dunyoga kelish imkoniyati paydo bo' ladi. Tuxumning yorilishi ovulyasiya deb ataladi. Yorilgan tuxum urug'lanish uchun tayyor bo'ladi. Tuxum yorilgach bachadon bo'yni orqali bachadon tomon yo'l oladi, shu davrda bachadon devorlari qalinlashishda davom etadi. Bechadon devor qatlami urug'langan tuxum yaxshi o'rnashishi uchun yetarlicha qalinlikda bo'lishi lozim. Agar tuxum spermatozoid bilan urug'lansa, u bachadonga tushib tayyor bo'lgan kerakli qalinlikdagi bachadon devorlariga joylashadi. Bu jarayon implantasiya deb ataladi. Agar tuxum ushbu siklda urug'lanmay qolsa, u holda u nobud bo'ladi, bachadonning qalinlashgan devor qatlami ko'chadi va qon bo'lib chiqadi. Ya'ni, yangi hayz sikli boshlanadi. Normada ovulyasiya sodir bo 'lgan kunidan keyingi hayz sikli boshlanguniga qadar 12 -14 kun o 'tadi. Nega hayz davomida og'riqlar bo'ladi? Bachadon qalinlashgan devor qatlamini butunlay chiqarib tashlashi uchun qisqaradi. Ba'zi ayollarda og'riqlar hayz kelishining o'zida namoyon bo'lsa, ba'zilarda hayz kelishidan 1-2 kun oldin yoki undan keyin ham namoyon bo'ladi. Hayz davomida kuchli og' riqlar patologik holatlar ( jinsiy va gormonal kasalliklar) dan ham darak berishi mumkin . Quyidagi hollarda shifokorga uchrash talab etiladi: Agar hayz kelishi 7 kundan ortiq bo'lsa; Ajralayotgan qon miqdori juda ko'p bo'lsa (bir dona taglik 1-2 soatda bo'kib ketgan holatlar); Ikki hayz oralig'i 3 oydan ortiq bo'lsa; Ikki hayzlar oralig'ida qon ajralishi kuzatilsa; Hayz muntazam ravishda kelib, birdan nomuntazam bo'lib qolsa; Hayz sikli davri 21 kundan kam bo'lsa. Hayz siklining homiladorlik va bepushtlikka aloqasi qanday? Homilador bo'lish uchun ayolda urug'lanish uchun tayyor tuxum va urug'langan tuxumni joylashishi uchun munosib bachadon bo'lishi zarur. Mana shu ikki faktor sog'lom hayz sikli davomida gormonlar ta'sirida yuzaga keladi. Gormonal buzilish va boshqa sabablar tufayli bu 2 faktor keraklicha holatda bo'lmaydi, natijada homiladorlik yuz bera olmaydi. Hayz siklining buzilishi osonmi? Hayz sikli butunlay gormonlarga bog'liq bo'lgani uchun uning buzilishi oson. Ba'zida qattiq charchov, uyqusizlik, asabiylashuv ham hayz siklini buzilishi, natijada ovulyasiya sodir bo'lmasligiga olib kelishi mumkin. Hayz ko'rish qachongacha davom etadi? Hayz ko'rishni to'xtashiga menopauza deb ataladi. Menopauza ayollarda 40-60 yosh oralig'ida boshlanadi. Ayolning yoshi o'tgan sari hayz sikli muntazamligi buziladi, tuxum ajralishi kamayadi, qon miqdori ham susayadi. Bunga 50 yoshdan so'ng ayol organizmida yuzaga keladigan gormonlar o'zgarishlar sababchi bo'ladi. Menopauzadan so'ng, ya'ni hayz ko'rmaydigan ayol homilador bo'la olmaydi. Homiladorlikka tayyorlanayotgan ayol o'z hayz sikli haqida bilishi darkor. Holbuki, hayz siklidagi lichik bo'lsa ham patologik o'zgarishlar homiladorlik yuz berishiga to'sqinlik qilishi mumkin. Maqola yoqqan bo'lsa, do'stlaringiz bilan bo'lishing! Manba: Uzbaby.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Материалов за текущий период нет.
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama