01:03 Yaxshiki, jinsiy munosabatlar mavjud! | |
 O'zbekchilikda sovchi bilan turmush qurish keng tarqalgan udum. Sovchi bilan turmushga chiqqan yoshlar bir- birlarini deyarli tanimaydilar desak adashmaymiz. Ularning sevishib turmush qurganlar bilan orasida bir farq bor. U ham bo'lsa, jinsiy munosabatga bo'lgan qarashi. Agar sevishib turmush qurganlar uchun to'ydan so'ng nihoyat diydoriga yetib, bir-biriga to'yish davri kelsa, sovchi bilan yoki muhhabati hali kuchli bo'lishga ulgurmagan juftliklarda to'ydan so'ng bir-biri bilan tanishish, bir-biriga o'rganish davri boshlanadi. Shunda jinsiy munosabatlarning o'rni qanday? Bu davrda jinsiy munosabatlar eng kerakli munosabatdir! Bir-birini tanimaydigan, yaxshi bilmaydigan yoki hatto befarq bo'lgan juftliklarda hozir ularni birlashtira oladigan yagona kuch mavjud. U ham bo'lsa ehtiros. Undan boshqa his- tuyg'u hozircha hali yetilmagan deb hisoblasa bo'ladi. Boshqa his tuyg'ular rivojlanishi va juftlikni birlashtirishi uchun vaqt talab etiladi. Ehtiros esa to'y kunidanoq juftliklarga sherik bo'la oladi. Shunday ekan, yangi kelin va kuyov turmushining ilk oylarida aynan shu tuyg'uga berilib yashashlari lozim. Ahir undan boshqa hech narsa hozir ularni bunchalik birlashtira olmaydi. Kelinlar kelinlik vazifani ustun qiladilar, kuyov yaxshi o'g'il bo'lib qolay deydi, qaynonaga yoqish, xotinini tarbiya qilish kabi ikkilamchi vazifalar birinchi o'ringa chiqib oladi. Aslida esa kelin-kuyov uchun birinchi vazifa jinsiy munosabatlaridan bahramand bo'lishdir. Ahir mana shu ozgina davr ularga aynan shu uchun beriladi. Keyin homiladorlik yuzaga keladi, farzandlar tug'iladi, ehtiros kamayadi...keyin jinsiy munosabatlar birinchi o'rinni egallay olmaydi. Turmushning ilk oylarini jisniy munosabatlarni rivojlantirishga, yaxshilashga, o'rganishga qaratilgan bo'lishi muhim. Shu orqali er-xotin bir-biriga yaqinroq bo'la oladi. Ba'zilar bu munosabatlardan bosh tortadilar. Nega? Yaxshi ham shu munosabatlar mavjud! Aks holda yosh er-xotin umuman bir-birini tomoniga qaramagan bo'lar edi. Qaraganda ham, ko'ziga faqat uning kamchiliklariyu, xatolari ko'rinib turar edi. Lekin yaxshiyamki, ularning ko'zlari ehtiros bilan bekilib turadi. "Sevaman" yoki boshqa shirin so'zlar aslida hammasi jinsiy munosabatni talab etuvchi mana shu ehtirosning mevasi ekanligini unutmaslik lozim. Haqiqiy sevgi hali oldinda. Hozir esa ehtiros davridir. Demak, ehtiroslarni qondirish kelin-kuyov oldidagi eng muhim vazifa. Ana undan keyin esa, qaynonaga kelin bo'lish, qo'shni bilan chiroyli muomila qilish, uch kunlik kirni yuvish va hokazolar keladi. Jinsiy munosabatlar borligidan esa xursand bo'lish kerak. Turmushning ilk davrida bu munosabatlar bo'lmasa, yoki qoniqarsiz bo'lsa, minglab tushunmovchiliklar paydo bo'lishi ajab emas. Jinsiy munosabatlarni a'lo darajada bo'lishi, yangi turmush qurgan juftlikda sevgi, bir-biriga o'rganish, bir-birini tushunish, kechirish kabi tuyg'ularni rivojlanishiga yordam beradi. Shuni unutmang , er, ertalab supurilmagan ko 'cha deb jahli chiqmaydi, agar buning sababi ajoyib tun bo 'lgan bo 'lsa ! Lekin jinsiy munosabatlardan er- xotin birdek bahramand bo 'la olmayotgan bo 'lsa , u holda hatto ushatilgan non ham janjal sababchisi bo 'lishi hech gap emas. Hatto sevishib turmush qurganlarda ham yaxshi ham jinsiy munosabatlar mavjud. Bir-birini turmushda sinab ko'rmagan juftlikni aynan shu munosabatlar yarashtiradi, bir-biriga talpintiradi, xatosini kechirishga undaydi. Jinsiy munosabatlardan yuz o'girmang, uning borligidan xursand bo'ling va uni yaxshilashga doim harakat qiling. Shunday davrlar keladi, bu munosabatlar o'z-o'zidan so'nishni boshlab, ular o'rnini mehr, farzandga bo'lgan e'tibor, ishonch, muhabbat kabi tuyg'ular egallaydi. Hozir esa hali erta! 
Manba: uzbaby.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Материалов за текущий период нет.
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama