03:23 Жинсидаги жажжи чўнтакнинг вазифасини кўпчилик билмас экан | |
 Чўнтак ҳар доим кийимларга хос моданинг ажралмас детали бўлган. Айниқса, сўнгги пайтларда кийимларда «сохта» чўнтаклар сони кўпайиб бормоқда. Жинси шимида мавжуд чўнтаклар доимо аёлларга ҳам, эркакларга ҳам маъқул келган. Иккита олд ва иккита орқа чўнтаклар, шу билан бирга шимнинг олд томони, ўнг қисмидаги асосий чўнтакнинг юқорисига тикилган тўғри тўртбурчакли жажжи чўнтаклар биз учун яхши таниш. Аммо мана шу жажжи чўнтакнинг ҳам ўз тарихи бор экан. Сизнинг-ча, бу чўнтак нима учун керак? Ундан бугунгидек танга-чақаларни олиб юришда фойдаланилган деб ўйласангиз, хато қиласиз. Табиийки, у пайдо бўлган вақтда ҳали смартфон уёқда турсин, оддий телефон ҳам ихтиро қилинмаган эди. Quora ижтимоий форумида кўтарилган бу савол кўпчиликнинг фикр- мулоҳазасига сабаб бўлди. Аниқ жавобни эса тўқимачилик соҳаси эксперти Рената Яноскова маълум қилган. Унинг Америкада жинси шимлари билан таниқли Levi Strauss брендига асосланиб маълумот беришича, сирли чўнтак бир неча йиллар олдин ён соат, яъни чўнтак соатни олиб юришга хизмат қилган экан. Аниқлик киритилишича, қадимда, яъни 1800- йилларда кавбойлар занжирли ён чўнтакларини нимчаларида сақлаганлар. Бу эса кўп ҳолларда соатнинг синиши, шикастланишига сабаб бўлган. Бу ноқулайликни дарров пайқаган Levis компанияси эса ўз жинсиларида соат олиб юриш мумкин бўлган ихчам чўнтакларни тикиб чиқара бошлайди.  Эслатиб ўтамиз, АҚШнинг Levi Strauss & Co. Кийим- кечак компаниясига 1853 йилда германиялик яҳудий Ливай Страусс томонидан асос солинган. 17 мингдан зиёд ходим ишлайдиган йирик компаниянинг штаб- квартираси Сан- Францискода жойлашган. Manba: Erkak.uz | |
|
| |
Sayt Menyusi
Bo'limlar
Teglar
Eng ko'p o'qilganlar
Homiladorlik Taqvimi
Saytdan izlash
So'rovnoma
Saytga Kirish
Hisobot
Reklama